"Тұңғыш Президент күніне» орай онкүндік өткізілетін шаралардың ашылуына байланысты ақпарат

         Аудандық білім бөлімінің жоспарына сәйкес, бүгін, 23.11.2020 жылы "Алпамыс" балабақшасында "ҚР Тұңғыш Президенті күніне" арналған онкүндіктің ашылу салтанаты өтті»

        Аталған іс - шараның мақсаты мен  міндеттері балалардың Отан туралы, ҚР Тұңғыш Президенті туралы білімдерін кеңейту; балаларды өлеңдерді мәнерлеп оқуға үйрету; балалардың сөйлеуін дамыту. Отанға және Президентке деген патриоттық сезімдерін ояту.

      Іс-шара жалаушалармен балалардың салтанатты кіруінен, әнұранды тыңдаудан басталды.

       Балалар Отан туралы орыс және қазақ тілдерінде өлеңдер оқыды, "Біздің сүйікті Отанымыз ", "Менің Отаным" әндерін шырқады, тәрбиеленушілердің назарына Қазақстан және Елбасы  Н.Ә. Назарбаев туралы бейнеролик ұсынылды.

       Сондай-ақ, мерекеге Абылай Хан келді, ол балаларға өз Отаны, Президент туралы білімдері үшін алғыс айтып, "Теңге алу", "Арқан тарту" қазақтың ұлттық ойындарын ойнауды ұсынды .

       Іс-шара соңында балалар "Қазақстанға келіңіз" әнін шырқап, біздің     Президентімізге және барша Қазақстан халқына мемлекетіміздің жұлдызы жарқын әрі биік болуын, әрбір қазақстандықтың оның бағыттаушы күшіне сенуін тіледі.